Comune di CuglieriComune di Cuglieri

Bai a is testus

Bai a s'elencu



Pagina:

A susu


Testus

Manifestaziones

Comente amis nadu Cuglieri est una iddha de economia agro-pastorale, chi hada ischidu tennere contu sas usanzias antigas. In custas usanzias podede capitare chi funziones chi funi “paganas” si sunu ammeschiadas cun sas Cristianas.

Sa festa de Santa Cadrina de Alessandria,chi si faghede sa sigundha dominiga de Maggiu, in Pittinnuri,est cullegada cun s'istoria antiga de sa zona; s'istatua de sa Santa, ndhi enidi da sa Creja de Santa Maria cun d'unu carru a boes finas a Santa Cadrina accumpanzada da sa zente chi andhada a pe’, o po prummissa o po piaghère. Sa die a pustis, su Lunis, si torrada a biddha sempere in poltiscione.

In Capidanni, s'otto, ch'este sa festa de sa Madonna de sa Grascia, in ammentu de candho donna Lughia Zatrillas haida dadu a sos poberos sa creja e su cuventu.

Cun sos fogos chi si faghene po Santu Giuanne, Santu Silbistianu, e Sant'Antoni Abate, nos ammentana usanzias antigas meda, de sas culturas nuragicas e romanas chi idiana su sole comente unu deus. Po sa festa de Santu Giuanne si faghede sa zerimonia de s'abba muda, e amis nadu primmu de ite si trattada.

Po Santu Tilipu si usada a faghere su pane (azzimu) chena lievitu, inue est sa frigura de su Santu. Si narada chi rosigadu candho b'hada temporadas, custu pane difendhede da sos fulmines, chi in biddha ndhe calada medas.

Sun sempere sighidas medas sas zerimonias de sa chida Santa siede da sa popolazione, che da tottu sa zente chi faghede palte de sas chimbe cunfrarias chi sunu in biddha. Custa puru est un'usanzia antiga meda, e Sa Giogia Santa, Sa Chenabura, e su Sapadu sas funziones e sas poltisciones, sunu accumpagnadas da sos cantos de su Miserere e Stabat Mater, fattos da sos cuncoldos chi sunu in Cuglieri. A pustis de sa tristura de S'Ingravamentu, sas funziones finin sa die 'e Pasca cun s'allegria de S'Incontru.

S.Imbenia su 29 e su 30 de Abrile. Sa Santa ch'enidi leada in poltiscione da sa creja de S.Maria 'e su Nie su 29 da battoro cunfrades de sa cunfraria de su Rosariu, e su 30 che torrada a biddha.

Su 9 e su 10 de Austu si festada santu Larentu. Custa puru est una festa de campagna, inue su comitadu preparada s'ustu cughinande petta de albeghe, chi enidi dada da sos pastores de Cuglieri.

Un'atera manifestazione chi enidi sighida da zente meda de iddha e furisteris est sa gara de macchinas de cursa in gara de velocidade Cuglieri-Sa Madonnina.

 
@ Comunu de Cuglieri

A susu