Comune di CuglieriComune di Cuglieri

Bai a is testus

Bai a s'elencu



Pagina:

A susu


Testus

Cornus

Su chi ischimos da sos liberos antigos de inue podede essere situada sa idda 'e Cornus (Urbs Cornu) est paga cosa e no de sigura veridade. Tolomeu mentuada una Kòrnos (III, 3, 7), tra sas biddhas de s'internu 'e sa Saldigna, situada a 5° a giosso (sud) de Gouroulìs Nèa, abitada da sos Kornènsioi e nados finzas Aichìlensioi (III, 3, 6).Su liberu “Itinerarium Antonini” mentuada Cornus tra sas biddhas attraessadas da sa carrela po Tibulas Sulcis, nandhe chi s'agataidi a 18 mizzas de passos a giosso (Sud) 'e Bosa e a 18 mizzas de passos a subra (Nord) de Tharros. Custa carrela parede siada istada acconzada in sa prima edade Augustea e custu risultada da una pedra in basaltu (MILIARIO) agatada in sos trettos de S.Cadrina 'e Pittinuri in su logu nadu Oratiddo a subra (Nord) de Cornus e postu in cussu zassu da su PROCO(n)S(ULE) M.Cornu(ficius). “S'anonimu” Ravennate e Guidone ammentan de Corni, ma che la collòcana in zassos drivessos:a cando in sa carrela de s'Itinerarium Antonini” tra Bosa e Tharri, a cando in su “Deverticulum” tra Corni, Ad Nuragus (Annuagras/Annuragus) e Othoca. In sa “Tabula Peutingeriana”, a parre de chalchi istoricu, Cornus benidi riconnoschida in su toponimu Crucis.

Livio in pagas rigas mentuada a Cornus candho iscriede de sa rivolta de su 215 a.C contra sos Romanos nandhe chi fudi sa iddha printzipale (caput) de unu logu riccu de buscos,(su Montiferru), e a pes de custos montes, in sos paris de Colchinas, sos Cartaginesos b'haian fundadu ,in d'unu cuccuru, sa iddha 'e Cornus in sos 25 annos a finitia de su seculu VI.Da s'attera ala Livio ammentada chi Cornus fudi una iddha affoltigada: inghiriada dae muros, custu siada ca fudi bennida a essere bidda de “Receptaculum” po haer accoltu sa zente iscampada a sas duas gherras de su 215 a.C, siada ca fudi istada primma accorrada e poi degogliada da Tito Manlio Torquato.

In su cuccuru 'e Colchinas e in sos logos prus a occidente de Campu 'e Corra si agatada ancora arrasta de sas tantas zenias de populos chi b'haian postu pè: dae sos Punicos a sos Romanos, da sos Vandalos a sos Bizantinos e custu lu ischimos da sa ricchesa de sos trastes agatados sutta e terra in custu logu e da sas iscritturas in issos possedidas, chi nos narana chi b'haiat una iddha manna calchi dozzina de ettaros, e chi tottu s'isterrida de terrinu aintro 'e Campu 'e Corra inghiriadu in sos costazos da amparos naturales, selbiada a sa iddha in tempos de nezessidade, comente cando istaian accorrados po tempus meda da s'inimigu, de riserva 'e recatu e de laoronzu. In su tempus de sa dominazione Romana si poded esser ilmanniada sa iddha a cara a sa costa finzas a sa calas de sa foghe de su riu Sa Canna e de S'alchittu inue parede da sos iscrittos de s'edade Punica cando fudi a finitìa e de cussos de s'altu Medioevu bi t'hiada haere unu poltu pitticcu. Semper a finitìa 'e su Medioevu su chi hada fattu pensare chi sa iddha 'e Cornus s'agataidi in atteru logu fu de haere agatadu sa domo 'e su piscamu de Senafer de sa creja 'e Cornus in s'adde 'e Columbaris a cara a susu (Nord) de sa iddha ezza.

S'istatutu de sa iddha 'e Cornus no este siguru finzas a su II/III seculu d.C. De su I seculu d.C. in sa rocca e Columbaris hana agatadu unu bustu de malmaru de un'imperadore chi zughiada sa corazza (LORICA) (Domiziano o Traiano) e de una statua de Vibia Sabina, muzzere de Adrianu chi poden essere battidos da su forum o da s'Augusteum de Cornus. Si podede pensare chi su che mudare in mezzus sa iddha 'e Cornus da civitas stipendiaria e folzis a municipium siada suzessu in su tempus de Flavio o de Traianu, a tale tempos faghiet riferimentu su (Loricato cornuense).

In d'una dedica ad (Had)rianus, in sa XVI podestà Tribunicia (131/132 d.C) risultat sa primma iscrizione chi faeddada de sos imperadores de Cornus. A pustis atteras dedicas po Settimio Severo inue est mentuada sa rensia de sos divi (ELSArd B 139+140) e un'attera ancora po unu imperadore disconnottu inue si mentuada comente ascendente unu divus (ELSArd B 138). Su de imbattere sa iddha 'e Cornus a essere riconnoschida una COLONIA onoraria, aintro 'e su III sec. d.C., no lu faghede a ischire s'iscrittura de su pèazzu de un'istatua , all'eq(ues) R(omanus) Q.Sergi, Q.f.Quir(ina tribu) Quadratus, adlectus patronus civitatis dallo splendidissimus ordo Cornensium per i merita chi haiada leadu (in co)lon(os), a rigualdu de sos abitantes de Cornus. Pustis s'adlectio, s'ordo decurionum e su populus de Cornus, folzis ammesau in Curiae,haian dezisu de faghere unu monumentu a su patronu (aerec)(lla)to (CIL X 7915).

Su pèazzu de s' istatua 'e su patronu,fudi istada iscobelta in su Forum de Cornus, in su cuccuru 'e Colchinas, paris cun atteras epigrafasa onorariasa chi hattini a lughe in manera zelta de inue s'agatada su logu monumentale de Cornus.Custas dedicas benin agatadas in s'istatua de unu L.Cornel(ius) (---), aere c(ollato), ob mer(ita sua), faghinde palte de un'interventu in su matessi forum (CIL X 7918), e in d'una atera istatua de una pessone chi no si riconnoschede sa rensia L.F(ilius) Honorius chi fudi istadu Flamen d(ivi ---), chi t'hiada a essere unu predi de sa iddha incarrigadu po su cultu de un'imperadore bidu comente unu Deus (CIL X 7916),e ancora in su pèazzu de un'istatua de unu zeltu M.Cominius M. Fil(ius) Crescens. Cust'ultima pessone faghiada palte 'e s'oldine de sos cadderis, fudi istadu predi in sa iddha 'e Cornus (flamen civitatis Cornen(sium) ) a sa matessi manera de L.Valerius L. f. Ouf(entina tribu) Potitus, pontif(ex) Sulcis de unu Titulus onorariu de Sulci. Apustis Marco Comino Crescente fudi mandadu a su Concilium Provintziale a Karales comente rappresentante sa iddha 'e Cornus (legatus) inue fudi 'istadu èlegidu a sacerd(os) provinciae Sardiniae (sazeldote de sa provintzia de Saldigna), t'hiada a essere su capu de s'assemblea chi deviada apparizzare su cultu imperiale de sa provintzia. A pustis de un'annu lassada su cumandu de s'assemblea e diventada Sacerdo(talis) provinciale e ch'enidi postu in su cussizzu Decurionale de Karales (CIL X 7917).

Comente esserede fraigadu e dispostu su Forum cornuense a tottu oe no s'ischidi nudda;s'iscobelta in s'800 de unu canale fraigadu cun mattones de alghiddhu cottos e fattu a fromma de protome leonina, comente cussos de sos ultomos tempos de s'imperu Romanu, chi in Saldigna est'istadu agatadu solu in su Tempiu de su Sardus Pater de Antas, faghede a pensare chi in Colchinas ettottu b'esserede una domo fraigada e abbellida cun mattones de alghiddhu cottos in su furru e chi podiada essere unu Tempiu. Faeddande de atteros fraigos pubblicos no s'ischidi bene si una domo termale de Colchinas, in opus vittatum mixtum,chi ancora est rea, a inue s'abba imbattiada da unu acquedotto iscobeltu da Antoni Taramelli si poted o no riconnoschere in d'una lastra 'e pedra malcada po ammentare s'acconzu de sa (thermae) aestivae e de s'acquedotto chi paltiada da una funtana (fons), de su tempus de Grazianu, Valentinianu e Teodosio (379-383) (ELSArd B 60 + 145 ?) agatada in su logu paleocristianu de Columbaris. Sa matessi lastra fudi giai istada impreada e fraigada in d'unu muru, folzis de su tempus Bizantinu, custu l'ischimos da su chi est iscrittu in d'una atera lastra malcada chi faghede riferimentu a operas chi faeddan de Moenia (ELSArd B 60).

Mancari de sos cultos precristianos in sa iddha 'e Cornus s'ischidi pagu b'had de narrere chi da sos oros de sa palte 'e susu de sa iddha ,ue t'hiada a esser su logu de s'ecclesia cornensis (sa creja e Cornus),nd'este recuida una iscrizione de una tumba de su III sec. d.C. chi si distinghed po haere sa “adpredicatio” a sos “dei Mani” e da su sinzu giuridicu-religiosu de s'istrale, de Cn. Aelius Gaia(nus), (arka)rius praedi(orum) (AE 1979, 307), chi t'hiada a essere un'iscrau liberu postu a contivizzare sa finanzia de sos Praedia, sas isterridas mannas de terrasa, e de atteros possessos, chi des sos cales folzis sos meres funi sa Gens Aelia.

Si haimis pottidu ammitere chi tale titulus, parisi a su covaccu de malmaru imprentadu cun panterasa e a su sarcofagu freggiau da tantasa iscanaladurasa onduladasa de su III seculu, t'hiada a essere imbattidu da una necropoli chi appalteniada a sa villa e a sos logos chi b'han postu raighinas sos praedia Aeliana, podimos faghere contu chi una pessona de cussa zenia s'hiada abbarrada mere de sas terrasa finzas a tottu su seculu IV, cunvertidu a su cristianesimu, hepede postu a disposizione de sos fideles in Christo su terrinu de Columbaris,logu de su coemeterium cristianu e de sas domos de cultu. No ischimoso ancora cun zeltesa inue tottu s'isterriada su territoriu de Cornus, podimos pensare da un'ala, chi sos Romanos s'esserene impossesadoso de tottu sas terras bonas a cara a Campidanu po los castigare de s'essere aunidoso a sos Punicos in sa gherra de su 215 a.C, da s'attera de minieras de ferru, giai impreadasa in s'epoca Punica, comente nos faghene a ischire sos votos de alghiddhu cottu agatadoso in sos magazinos de Sissiddho e de Alores (Seneghe), in sa palte de giosso 'e sa iddha 'e Cornus, chi si mustrana comente istatuasa pitticasa fattasa in su torinu a fromma de zente devota e sufferente, de su III seculu a.C. Pròpiasa a cussasa de Bithia e Neapolis.

S'isterrimenta de su territoriu 'e Cornus a cara a susu, finamentasa a su Riu Mannu 'e Cuglieri, a lacana cun su territoriu 'e Bosa, poded'esser posta in dubbiu si s'ammittidi s'esistentzia de una Gurulis Nova(Cuglieri) fraigada a nou in sa palte prus aintro de su territoriu, attesu da su mare, da una palte de sa zente chi biviana in Gurulis Vetus, in d'unu tempus chi no ischimos.

Raimondo Zucca
 

 
@ Comunu de Cuglieri

A susu