Comune di CuglieriComune di Cuglieri

Bai a is testus

Bai a s'elencu



Pagina:

A susu


Testus

Economia

S'economia de Cuglieri si basada in palte in s'allevamentu de bistiamene, baccas e albeghes, e in s'agricoltura, cun su cuntivizu de sos gialdinos de ulia. Ch'este ancora s'artigianau fattu a s'antiga de sos tribaglios de tessidura de tapettos, aratzos, mantigheddhas po casciubancu fattos in cotone ‘e linu. Sos disignos sunu motivos e iscenas de caratere agro-pastorale. B'hada de narrere chi custos modos e usos de tribagliu artigianale sunu isparindhe comente in tottue, e sunu addurandhe in pagos sos artigianos chi sighene cust'alte.

Po foltuna b'hada de annotare chi un'artigianau carateristicu de Cuglieri rezede ancora, sa prendhidura, opera de feminas. Si tratada de filos de cotone e linu, chi annodados in varios modos, frommana disignos de onzi manera e de bellu efetu. C'hada mastros de linna, chi in modu artigianale faghene casciasa e casciubancos cun disignos de tradizione salda; iscenas de cazza, puzzones, crapolos, fozas e frores.

Est bonu puru s'isviluppu turisticu in su territoriu de sas bulgadas marinas; ch'hada albergos, pizzerias e discotecas. In custos ultimos annos si sunu ilvilupandhe finamentas s'agriturismos e su “bed & Breakfast”. Sas costas de mare, cun sas bulgadas marinas de Santa Cadrina, S'Alchittu e sa Turra 'e su Puttu, in s'istiu sunu prenas de mizzas de pessones. Comente sas prus boltas suzzedidi, non si risultada a fagher connoschere sas bellesas naturales, istoricas e culturales chi sa iddha possedidi, e chi podiada essere una intrada economica in prusu de su turismu marinu. Propiu sos montes, ancora prenos de vera, in su tempus cheghente, cun buscos e funtanas dana una bella friscura, e sa possibilidade de fagher passizzadas a pe’ e a caddhu.

 
@ Comunu de Cuglieri

A susu